Mais informaçom:

Até aqui figemos umha apresentaçom geral do que é o padrom reintegracionista. O Reintegracionismo é um movimento que reúne um grande número de pessoas que pensamos que é preciso volvermos ao galego a sua escrita verdadeira, a roupa de gala que um dia nos roubarom. Somos um amplo movimento de cidadãos que reclamamos a restituiçom dos nossos direitos linguísticos e o fim desta inaudita situaçom em que umha língua com ortografia própria tem de ver como se oficializa a escrita de outra língua diferente para representá-la. Umha situaçom tam insólita como se alguém impugesse aos castelhanos o emprego da ortografia do francês. Somos um grupo de cidadãos que decidimos escrever normalmente a nossa língua como lhe corresponde, conscientes de que estamos criando um uso e umha tradiçom tam legítima como a que tenta assentar um híbrido linguístico em contra da mais elementar lógica científica e da história do nosso idioma.

Nom luitamos em desvantagem porque podemos participar de todos os benefícios que tem compartilharmos umha língua extensa, útil e de ampla projecçom internacional. Como usuários da língua galego-portuguesa temos ao nosso dispor livros, dicionários, enciclopédias, canções, filmes, programas informáticos, páginas na Internet..., com umha quantidade e qualidade incomparavelmente maiores que as que poda alcançar nunca a "cultura" do galego concebido como dialecto regional do castelhano. Podemos, pois, sobreviver e crescer neste ambiente hostil sabendo que cada pequeno passo que damos, cada livro publicado, cada grupo musical que usa o galego-português, cada novo cidadão galego que decide usar coerentemente a sua língua é um passo de gigante na construçom dumha cultura verdadeiramente galega, umha cultura viva e real, e nom umha culturinha artificial de autores subsidiados.

Nom se trata, pois, de isolar-se da realidade nem de renunciar ao património cultural de todos os galegos, trata-se de construirmos umha alternativa que, chegado o caso, sirva para dar o passo definitivo cara ao galego mais legítimo. Precisamente porque é já o galego mais real, o único que existe como forma culta, o mais parecido a umha língua normal dum país normal. Nom significa isso que nom reconheçamos o galego escrito à castelhana, pois trata-se de somar esforços, nom de restar; mas é inquestionável que se a cultura galega fosse exclusivamente por esse caminho a nossa língua acabaria desaparecendo subsumida no espanhol no inquestionável processo de dialectalizaçom (assimilaçom horizontal) que está a ter lugar.

Devemos usar o mais possível o galego-português porque ele está em condições de concorrer com o castelhano na Galiza em igualdade de condições enquanto o galego isolacionista está condenado a ser por sempre umha forma dialectal-regional do espanhol, um código alternativo, sem variedades nem registros, utilizado somente para usos administrativos e pseudo-litúrgicos enquanto persista a ideia de que falá-lo em público é o politicamente correcto. É um galego morto, assumido polas gentes como umha forma de falar pedante, de persoeiros e locutores com sotaque castelhano que o falam por obriga. Isso nom é a forma padrom da nossa língua. Devemos usar o galego-português porque, fazendo-o, estamos também promovendo a consolidaçom da identidade galega. É umha escrita independente, baseada nas nossas próprias raízes históricas e coerente com as outras variedades da nossa língua comum galego-portuguesa

Hiperligações para outros sítios reintegracionistas:

Página da Associaçom Civil Amigos do Idioma Galego (Adigal), da Argentina.

La Questione della Lingua. Talvez a melhor fonte de informaçom sobre o problema surgido na padronizaçom da língua galega.

Página da Associaçom Galega da Língua (AGAL). Página da organizaçom que é considerada coluna vertebral do movimento reintegracionista do nosso país.

A Galiza e a Lusofonia. Página sobre a língua portuguesa em que também se aborda o caso da Galiza.

A língua portuguesa. Página brasileira, de grande qualidade, que se caracteriza polo mesmo que a anterior.