|
|||||||
|
Bernardo Penabade Rei (Granhas do Sor - Manhom-, 1964) é licenciado em Filologia Galego-Portuguesa pola Universidade de Santiago de Compostela. Desde 1990 é Professor de Ensino Secundário na especialidade de Língua e Literatura. Na actualidade desenvolve o labor docente no IES “Vilar Ponte” de Viveiro. Desde 1983 é membro da Associaçom Galega da Língua e participa com regularidade nas actividades impulsadas polos colectivos mais comprometidos com a recuperaçom do idioma. Na Residência Universitária do Burgo das Naçons foi um dos impulsores do colectivo de estudantes que organizou numerosos cursos e conferências, e que convocou o Certame Literário que permitiu a descoberta de escritores e escritoras hoje consagrados. Entre 1984 e 1995 já tinha sido eleito membro do conselho directivo da associaçom. Isaac Alonso Estraviz (Vila Seca, Ourense, 1935) é licenciado em Filosofia pola Universidade de Comillas (1973), em Filosofia e Letras pola Complutense de Madrid (1974) e na mesma universidade em Filologia Románica (1977). Doutor em Filologia Galego-Portuguesa pola Universidade de Santiago de Compostela (1992) tem realizada a correspondente tese sobre A Fala dos Concelhos de Trasmiras e Qualedro. Entre 1975 e 1977 foi professor de Língua e Literatura Galegas no Ateneu de Madrid e desde entom até 1984 desempenhou o mesmo labor na Irmandade Galega-Lóstrego da capital do Estado. Como Professor Numerário de Bacharelato percorreu várias vilas e cidades galegas (Pontedeume, Ordes, Vigo, Ponte Vedra, Corunha...) até obter destino definitivo no Instituto Otero Pedraio de Ourense. Desde 1992 é Professor Titular de Didáctica da Língua e Literatura Galegas na Universidade de Vigo, exercendo o seu labor primeiro no Campus de Ponte Vedra e, no momento actual, no de Ourense. Entre as suas numerosíssimas publicações sobressai o monumental Dicionário da Língua Galega, editado por Ed. Nós, da Corunha (1983); por Alhena, de Madrid (1986) e por Sotelo Blanco (1995). Jesus Miguel Conde (Ourense, 1966) trabalha como administrador de condomínios em Vigo. Membro da AGAL e do Colectivo Meendinho desde 1991, tem colaborado em diferentes actividades no âmbito da normalizaçom linguística dentro do seio do movimento reintegracionista. Oscar Diaz Fouces (Barcelona, 1964) é licenciado em Filologia Galego-Portuguesa e Doutor em Linguística pola Universidade de Barcelona. É membro da AGAL desde 1986. Actualmente é Professor Titular na Faculdade de Filologia e Traduçom da Universidade de Vigo. Valentim Rodrigues Fagim (Vigo, 1971) é licenciado em Filologia Galego-portuguesa pola Universidade de Santiago de Compostela. Fundador da Livraria A Palavra Perduda, durante tres anos trabalhou como livreiro e como distribuidor de livro português para o Estado espanhol após a fusom de APP com Livros Portugueses. Umha vez concluído este ciclo, acha-se trabalhando como tradutor e como professor de português na ASC Juan XXIII. Tem trabalhado e trabalha em diversos ámbitos para a divulgaçom do ideário reintegracionista, quer através de artigos e de um livro editado em 2001, O Galego (im)possível, quer através de um programa de rádio, Arde Medúlio, em Rádio Kalimero, quer através da AR Bonaval de Compostela. Desde 2001 fai parte do Conselho Directivo da Agal. Sílvia Capom Sanches nasceu em Vigo em 1972. Licenciou-se em Filologia Galego-Portuguesa em Santiago de Compostela em 1995. Entrou na AGAl em 1991 e tem trabalhado e trabalha na defesa da língua e do reintegracionismo em colectivos de diverso tipo. Actualmente é Professora de Português na Escola Oficial de Idiomas de Vigo. Crisanto Veiguela Martins (A Veiga –Veiga de Eu-, 1959) é engenheiro agrónomo pola Universidade Politécnica de Madrid. Tem participado em diferentes actividades no âmbito do galeguismo e do reintegracionismo, tanto em Madrid, onde morou até 1997, como já anteriormente (e agora de novo) na Galiza , onde exerce de Professor de Ensino Secundário na especialidade de Tecnologia. Foi membro fundador da Associaçom Renovação-Embaixada Galega da Cultura e do grupo literario “Bilbao”, de escritores galegos em Madrid, e participou na constituiçom do Movimento de Defesa da Língua. Vinculado pola sua origem aos movimentos vindicativos da lingua e cultura galegas das áreas exteriores à Galiza administrativa, é membro activo e fundador do Colectivo de Escritores do Eo-Navia “Cotarelo Valledor” e Subdirector de “O Espello”, suplemento literário da revista A Freita, da Mesa para a Defensa do Galego de Asturias e da Cultura da Comarca. Tem publicado colaborações literárias de poesia, narrativa e investigaçom nas revistas Renovação, A Freita e Agália e de crítica literaria em juntas de escritores asturianos. Também realizou diversos trabalhos de traduçom para galego-português. O dia 17 de Maio deste ano apresentou o seu último poemário “A Vida Sempre e Sobretodo”. Carlos Garrido Rodrigues (Ourense, 1967) é doutor em Biologia e licenciado em Traduçom e Interpretaçom. Tradutor do inglês e do alemám e autor, entre outras obras, do Dicionário Terminológico Quadrilíngüe de Terminologia dos Invertebrados (1997), do Manual de Galego Científico. Orientaçons Lingüísticas (2000) e de Aspectos Teóricos e Práticos da Traduçom Científico-Técnica (Inglês > Galego) (2001), C. Garrido é Professor Titular da cadeira de Traduçom Científico-Técnica na Universidade de Vigo. José Martinho Monteiro Santalha José Henrique Peres Rodrigues (Duisburg, 1971). Estudou no Colégio Universitário de Lugo e na Faculdade de Filologia da USC, onde fijo parte da Assembleia Reintegracionista Bonaval. Formou-se em Filologia Galego-portuguesa e obtivo o grau de doutor na mesma especialidade. Na actualidade exerce como Professor Titular no Departamento de Traduçom da Universidade de Vigo. Carlos Quiroga foi director da Revista Galega de Criaçom O Mono da Tinta (1987-1991), publicou g.o.n.g.-mais de vinte poemas globais e um prefácio esperançado (1999) e Periferias (1999, prémio Carvalho Calero de narrativa). Prémio de Teatro infantil na Mostra de Ferrol-Terra 1988 com O Castelo da Lagoa. Bolseiro de investigaçom da Fundação Calouste Gulbenkian (1991-92), bolseiro do ICALP, actual I. Camões (1992-93), e prémio extraordinário de doutoramento. Foi Professor de Língua e Literatura Galegas no Ensino Secundário e Chefe do primeiro Departamento de Português em E.O.I. na Galiza. Actualmente é professor titular de literaturas lusófonas na Universidade de Santiago. Jorge Rodrigues Gomes (Vigo, 1967) é licenciado em Filologia Galego-Portuguesa pola Universidade de Santiago de Compostela. Actualmente desenvolve as suas actividades como professor de ensino secundário. É membro da AGAL desde 1985. Paulo Valério Árias (Ferrol,1962) 1982: Ingressa na AGAL em Fevereiro e pertence à Comissom de Lingüística desde a sua formaçom. 1984: Diploma da Faculdade de Letras de Coimbra polo Curso Superior de Língua e Cultura Portuguesas. 1985:Licenciado em Filologia galego-portuguesa pola Universidade de Santiago de Compostela. 1986: Professor Agregado de Bacharelato (hoje Ensino Secundário) de Língua e Literatura Galegas. Impartiu aulas em Carinho, A Corunha e Pontedeume. 1988: Recebe o primeiro accessit nos "VI Premios 'Francisco Giner de los Ríos' a la Innovación Educativa para equipos de profesores y alumnos de Centros Públicos de Enseñanzas Medias", convocados polo MEC. 1996: Professor Titular de Português do corpo de Prof. de Escolas Oficiais de Idiomas. Exerce como professor de português na E.O.I. da Corunha desde 1990. 1992: Tradutor-Intérprete Juramentado de Galego (inscrito na "Oficina de Interpretación de Lenguas" do Ministério de Assuntos Exteriores). 1992: Bolseiro do Conselho da Europa no Estágio de Professores de Português (Escola Superior de Educação de Setúbal). 2000: Tradutor-Intérprete Juramentado de Português (inscrito na "Oficina de Interpretación de Lenguas" do Ministério de Assuntos Exteriores). José
Manuel Barbosa Alvares nasceu no 1963 em
Ourense. É professor de E.F. do liceu de Bande Aquis Querquernis.
É estudante de História pola UNED. Membro da AGAL desde
1984. Professor de galego da norma AGAL em várias cidades e vilas
de Galiza desde 1985. Publicou vários trabalhos na revista AGALIA
e o livro "Curso Prático de Galego", e também
o livro de poesia "Ámago ou Mágoa". Vítor
Manuel Lourenço Peres nasceu em 1970,
de Vilarinho-Pereiro de Aguiar, licenciado em História pola Universidade
de Vigo e funcionário administrativo da Fazenda Pública
na dependencia da Inspecçom da Delegaçom da Agência
Tributária de Ourense, autodidacta informático, foi webmaster
da aula de música tradicional Gomes Mouro de Ourense e colaborador
na página da livraria Torga, alem do responsável da página
do BNG da Comarca de Ourense-O Carvalhinho. Miguel
R. Penas (Donostia, 1976), de Compostela
mas descendente de arçuans, licenciado em História pola
Universidade de Santiago de Compostela hoje trabalha como jornalista electrónico
na criaçom de conteúdos para a rede. Na web de AGAL trabalha
no desenho do entorno gráfico e na gestom do canal de opiniom junto
com o boletim agal-gz. José
Manuel Outeiro nasceu em Ourense em 1972.
Mora em Madrid desde 1991. Trabalha desde entom na Secretaria de Estado
de Cultura. Fijo estudos de Cinematografia em Metr?polis c.e., de Filosofia
pola Universidade Complutense de Madrid e de Filologia Hispânica
pola UNED. Foi membro do anterior Conselho da AGAL e é membro desta
associa?om desde 1993.
In memoriam: |
|
|